ரோஷம்...

அளவாக இருந்தால் அது ரோஷம்!
அளவு குறைந்தால் தோஷம்!
மானத்தை மாசுபடாது காக்கும் கவசம்!

ஆனால்..

வீட்டுக்குள் ரோஷம், சோற்றிலிட்ட விஷம்!

தெரு வாழ்க்கை!

தினமும் குளியல்!
நடை-பயிற்சி நாலு கால் பாய்ச்சலில்!
தனிக்கூண்டு!
கழுத்தில் அழகுப்பட்டை!!
எஜமானி செல்லம்!





இருந்தும் சங்கிலி..
கண்கள்  என்னவோ தெரு நோக்கி....
சுதந்தரமாய் திரியும்  தெரு நாய்கள்..
அத்தனையும் குடும்பமாக.. ஓ!
அதுவல்லவோ வாழ்க்கை!!!

வழுக்கு மர விளையாட்டு!

வாழ்க்கை என்பது ஒரு வழுக்கு மர விளையாட்டு!

வெற்றி காண முடியாத வெற்றிடங்களால்

விளையாட்டாய் தொடங்கி..

என்ன என்று புரியுமுன்னெ..

முடிந்துவிடும்!

நேற்று..இன்று..நாளை..என்று

அடுக்கி வைத்த அழகு என்னே!

உடம்பு, மனம், மூளை என்று

பிரித்து நம்மை சிறைக்குள் அடைத்த

அருமை என்ன?

நான்..நீ..வீடு..நாடு..அவள்..அது..

பணம்..பற்று..பதவி..கொள்ளை..கொலை..

எவ்வளவு..சிக்கல்!!!

இறைவனை நான் அறியேன்!

இயற்கையே..நீ வைத்த இந்த

வழுக்கு மரப்போட்டி

எத்தனை பேரை வாழ வைக்கிறது!!!